老婆今日睇傷風感冒。睇完曬後，佢自己爆左句話：「我老公上個禮拜都係傷風感冒黎睇你，你俾咗啲感冒丸佢食。」（個個傷風感冒都係食感冒丸㗎啦😥）
我從來都未見過呢兩公婆一齊黎睇醫生。
咁你係咪想我問你老公係邊個？定係你想話我醫唔好你老公，跟住傳染左俾你？ Or 想讚我妙手回春，你老公而家好返晒哈哈哈！？
得，我知我諗多咗，我冇放假放到傻左。
好，我順應著劇本，跟手問咁呀老公係邊位？佢即刻煞有介事，覺得我太八卦，做咩問佢啲咁私人嘅問題。跟住就淨係好冷淡咁話：「我老公姓陳。」
即係你覺得成間診所，成個禮拜，淨係得一個姓陳嘅男士嚟睇傷風感冒。一定係，除非唔係。
又係你講先嘅，做乜姐～～ 冇奶油我Get錯左～
新年流流唔想鬧人。我淨係輕輕咁自己「接」咗一聲。
****
初四今日開左市，祝大家今年搵多啲！
初三過咗澳門 😂
Sorry 我拍得好暈陀陀，因為啲炮仗係咁彈到我哈哈～ 呢個係十萬炮，我見到個一百萬嘅，下年試吓放哈哈～
Search